Address to a Haggis

Address To A Haggis

by Robbie Burns 1759 -1796

 

Fair fa’ your honest, sonsie face,

Great chieftain o’ the puddin-race!

Aboon them a’ ye tak your place,

Painch, tripe, or thairm:

Weel are ye wordy o’ a grace

As lang’s my arm.

The groaning trencher there ye fill,

Your hurdies like a distant hill,

Your pin wad help to mend a mill

In time o’ need,

While thro’ your pores the dews distil

Like amber bead.

His knife see rustic Labour dight,

An’ cut you up wi’ ready sleight,

Trenching your gushing entrails bright,

Like ony ditch;

And then, O what a glorious sight,

Warm-reekin, rich!

Then, horn for horn,

they stretch an’ strive:

Deil tak the hindmost! on they drive,

Till a’ their weel-swall’d kytes belyve,

Are bent lyke drums;

Then auld Guidman, maist like to rive,

“Bethankit!” ‘hums.

Is there that owre his French ragout

Or olio that wad staw a sow,

Or fricassee wad mak her spew

Wi’ perfect sconner,

Looks down wi’ sneering, scornfu’ view

On sic a dinner?

Poor devil! see him ower his trash,

As feckless as a wither’d rash,

His spindle shank, a guid whip-lash,

His nieve a nit;

Thro’ bloody flood or field to dash,

O how unfit!

But mark the Rustic, haggis fed,

The trembling earth resounds his tread.

Clap in his walie nieve a blade,

He’ll mak it whissle;

An’ legs an’ arms, an’ heads will sned,

Like taps o’ thrissle.

Ye Pow’rs wha mak mankind your care,

And dish them out their bill o’ fare,

Auld Scotland wants nae skinking ware

That jaups in luggies;

But, if ye wish her gratefu’ prayer,

Gie her a haggis!

4 thoughts on “Address to a Haggis

    • No, but lived there for 6 years and both my kids were born in Edinburgh. Have a real soft spot for the country. If weather had been better would never have moved!!

      Sent from Keith’s i phone

      Like

  1. I have been to many Bobbie Burns dinners and I LIKE haggis. I don’t want to be reminded of what it is – similar to a Polish dish my father loved – something like keiska (sp?) Anyway, it’s delicious!

    Like

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s